Netcastle - Network creation and promotion of castles
sqenel
Video
Projekti
KËSHTJELLA ANGELOKASTRO 0 5 0 0

KËSHTJELLA ANGELOKASTRO

  • 39 Views

Kështjella Angelokastro në perëndim të bregdetit të Korfuzit verior është një nga tre kështjellat bizantine të ishullit. Ajo është ndërtuar në një shkëmb të pjerrët. Shkëmbi në të cilin është ndërtuar plotësohet nga perimetri i murit të pjerrët, i krijuar shpesh herë në në buzë të greminës. Gjatë sundimit venecian, Angelokastro luajti një rol të rëndësishëm në uljen e sulmeve osmane. Rëndësia e kësaj fortese zvogëlohet pas 1550, kur të dyja kalatë: Kalaja e Re dhe Kalaja e Vjetër e Korfuzit njohën zhvillim të madh. Në shekullin e 19-të braktisen.

Kalaja bizantine Angelokastro (Castello S. Angelo), e ndërtuar në pikën më të lartë të një shkëmbi, në bregun perëndimor të Korfuzit verior, është një nga komplekset më të rëndësishme të fortifikuara të ishullit. Si themelues i kalasë bizantine referohet perandori Manuel I-rë i Komninos i cili çliroi Korfuzin nga normanët. Historianë të tjerë mbështesin idenë se kalaja u themelua nga Mihael Duka i I-rë, Dhespot i Epirit (1204). Zbulimet arkeologjike sakaq, në lidhje me banimin për herë të parë të kodrës, datojnë në shekullin e 5-6-të.

Një nga periudhat kryesore në historinë e kështjellës, është pushtimi i saj nga Andigavusët në 1272. Gjatë periudhës së sovranitetit andigavik, për disa kohë, Angelokastro ishte kryeqyteti i ishullit, pasi atje ishte vendbanesa e udhëheqësit.

Më vonë, gjatë periudhës së sundimit venecian, kalaja funksionon si fortesë sigurie për banorë e Korfuzit nga ambicjet e pushtuesve osman dhe gjenovez por kryesisht edhe për mbikëqyrjen e lëvizjeve detare në Adriatik. Një rol veçanërisht të rëndësishëm ka luajtur Angelokastro përballë sulmeve osmane në shekullin e 16-të. Pas 1550, kalaja bizantine humb lavdinë e saj fortifikimit. Kjo është periudha kur Kalaja e Vjetër dhe e Re e Korfuzit, fillojnë të njohin zhvillimin tyre të madh. Në shekullin e 19-të, Angelokastro arrin në stadin e mospërdorjes dhe të braktisjes.

Lartësia e Angelokastros rrethohet nga një mur i ulët në veri dhe në anën lindore. Në krye të kodrës është ndërtuar kështjella, qasja e së cilës arrihet nëpërmjet portave, porta qëndrore në veri, që mbrohet nga një kullë rrethore dhe porta e vogël në anën jugore. Përballë portës kryesore rrënojat e ndërtesave kishin si funksion strehimin e ushtrisë, ndërsa tre depozitat nëntokësore të ujit lejonin furnizimin e kështjellës me ujë. Në pikën më të lartë të qytezës është kisha Taksiarhon. Tempulli është ndërtuar gjatë periudhës së vonshme bizantine ose në fillim të periudhës post-bizantine mbi mbetjet e hershme bazilike.

 

Video

Virtual Tour

3D Reconstruction

Gigapixel(s)

Leave a Reply

Your email address will not be published. Required fields are marked *

Homeshare on facebookShare on TwitterShare on LinkedinShare on Google+
Adriatic-Route for Thematic Tourism